Dedicated to the Gaelic Language of the Isle of Man
Dunveryssyn yn Tooder-Folley

The Vampire Murders

Ayrn Nane

Dunveryssyn yn Tooder-Folley - The Vampire Murders


Skeeal straneagh liorish Brian Stowell: Ayrn 1
 A serial story by Brian Stowell: Part 1
Hooar ad y corp marroo ec lieh-oor lurg nuy sy voghrey. Va ben y thie boirit nagh row Mnr Jones er jeet neose dy gheddyn anjeeal sy thie-goaldee. V'ee crankal as crankal er dorrys yn chamyr-lhiabbagh, agh cha row freggyrt ry-gheddyn. Fy-yerrey, ren ee feddyn magh nagh row y dorrys glast as ren ee fosley eh. Cho leah's honnick ben y thie y dooinney ny lhie sy lhiabbee, ren ee toiggal dy row red ennagh agglagh er daghyrt.

Va Mnr Jones ny lhie er y dreeym echey, jeeaghyn er y far-voalley lesh sooillyn lhean, blakey. Agh cha row eh fakin veg er y fa dy row eh marroo. Va brelleein harrish y chooid smoo jeh'n chorp echey, agh va'n eddin as mwannal echey ry-akin as v'ad cho bane as sniaghtey. Va daa howl beg sy wannal echey.
----------------------------------------------------------------------------------------------------------------
sooder-folley (SOO-der-FAWL-a) - vampire
Dunveryssyn yn Tooder-Folley (DUN-verr-iss-un-in-TOO-der-FAWL-a) - The Murders of the Vampire
(Note the change from s to t)
Hooar ad y corp marroo (HOOR-add-a-korp-MARR-oo) - They found the dead body
va ben y thie boirit (va-BEN-a-TY-BURR-it) - the woman of the house was worried
..nagh row Mnr Jones er jeet neose (nakh-row-MINE-shter-JONES-err-JITT- NOHSS) - .. that Mr Jones had not come down
The word for 'down' is 'neose' (nohss) if we're coming from above.
 ..dy gheddyn anjeeal sy thie-goaldee (the-GHETH-un-an-JEE-al-sa-TY-GAWL- dee) - ..to get breakfast in the guest house
V'ee crankal er dorrys yn chamyr-lhiabbagh (vee-KRONK-al-err-DORR-iss-in- CHAAM-er-L'YAVV-akh) - She was knocking on the door of the bedroom
..cha row freggyrt ry-gheddyn (ha-row-FREGG-ert-ra-GHETH-un) -..there wasn't an answer to be had (got)
Fy-yerrey, ren ee feddyn magh nagh row yn dorrys glast (fa-YERR-a, renn-ee- FETH-un-MAKH-nakh-ROW-in-DORR-iss-GLASST) - At last, she found out that the door wasn't locked
Cho leah's honnick ben y thie..(ho-LEE-as-HONN-ick-BEN-a-TY) - As soon as the woman of the house saw..
..ren ee toiggal (renn-ee-TIGG-al) - .. she understood
.. dy row red ennagh agglagh er daghyrt (the-row-RITH-enn-YAKH-AGG-lakh-err- DAGH-ert) - ..that something awful had happened ('..that something awful was after happening') The t in 'taghyrt' is changed to d.
 ..er y dreeym echey (err-a-DREEM-EGG-a) - ..on his back ('..on the back at him')
..jeeaghyn er y far-voalley (JEEKH-un-err-a-farr-VAWL-a) - looking at the ceiling
..sooillyn lhean, blakey (SOOL-yun-L'YAYN-BLAAK-a) - wide, staring eyes
..er y fa dy row eh marroo (err-a-FAA-the-ROW-a-MARR-oo) -because he was dead
Va brelleein harrish y chooid smoo.. (va-bril-YEEN-HARR-ish-a-KHOODJ-SMOO) - There was a sheet over the most part..
..yn eddin as mwannal echey (in-ETH-in-azz-MWANN-al-EGG-a)-his face and neck
..cho bane as sniaghtey (ho-BAAN-azz-SN'YAKHT-a) - ..as white as snow
Va daa howl beg.. (va-DAA-HOLE-BEG) - There were two little holes..

Download MP3

Return to Index